موضوع مالوش اسم ... للبنات فقط

موضوع مالوش اسم
للبنات فقط

افتكرت قصة عجبتنى اوي موجودة فى سفر العدد اصحاح 27 القصة بإختصار أن في راجل اسمه صلفحاد ، الراجل ده كان عنده 5 بنات وهو كان من شعب بني اسرائيل مات فى البرية قبل مايوصلوا ارض الموعد وعشان معندوش ولاد فبناته معرفوش ياخدوا ورثهم فرفعوا قضيتهم لموسى والعازر الكاهن وكل الرؤساء 000 طلبوا حقوقهم وورثهم راح قدم موسى طلبهم قدام ربنا فعلا ربنا سمع لطلبهم ووضع قانون جديد " انه إن لم يكن للمتوفي ابن فترثه ابنته وإن لم يكن له ابنه فاخوته أو اعمامه أو اقرب من له فى عشيرته يرثونه " فرق معايا أوي في القصة دي انه رغم ان كان في وقت البنت فيه مالهاش سلطة او رأي ، فإصرارهم على حقهم خلى ربنا يتحنن عليهم وينزل قانون جديد كمان للشعب عجبني اوي قناعتهم بحقوقهم ومطالبتهم بيه وقد ايه ربنا بيحب يسمع لمطالبنا وانه فعلا حنين وبيدينا سؤال قلبنا000 لكل بنت حاسة انها مالهاش رأي أو قيمة في وسط كل ده افتكري اد ايه انت محبوبة وعزيزة جدا عند الهك الهك اللي كان لطيف مع المرأة الخاطئة ومجرحش شعور السامرية اللي كان بيحب يتكلم مع مريم و مرثا هو دايما بيفكر فيك ونفسه يتكلم معاكي علطول ، افتكري دايما انك بنت ملك الملوك000 اشكريه دايما فى المزمور " احمدك من اجل اني قد امتزت عجبا " ( مز 139 : 14 )