العنوسة ممكن نجد حل ؟

العنوسة ممكن نجد حل ؟
حوار عن موضوع عبر الانترنت
مساء الخير علي أهل يسوعنا و زواره
للاسف مش بعرف أكتب مقدمات كويسة و أسلوبي مش مرتب في الكلام بس هحاول اكتب علي قد ما أقدر
أنا ليا سؤال مشكلة العنوسة دي حلها ايه ؟

يعني مثلا أنا ليا دلوقتي قرايب و اصحاب بنات منهم اللي دخل في 22 و ال 23 وما إلي ذلك و حتى الآن ولا اتخطبو ولا اتجوزو ده كده حاجة .
هما حالهم عريسان بس البنات رفضتهم علشان مش مناسبين لهم
الحاجة التانية بقي الحالة النفسية اللي سامحوني في الكلمه ( زى الزفت ) لما الواحدة منهم تحس أنها بتكبر و ممكن قطر الجواز و تاسيس الاسرة يفوتها ؟
حسيتو الاحساس دة قبل كده ؟ صعب اوي
فالغرض من الموضوع اصلا بقي في حل نظبط بيه الحالة النفسية دي ؟
ولا ايه العمل في الموضوع دة ؟
و اسف لو كنت غير منظم الفكر او الكلام بس حاول اكون كدة علي قد ما قدرت
صلو من اجلنا
اولا : اسلوبك جميل يافادى و صريح وواضح جدا.
ثانيا : هو اكيد فعلا احساس العنوسة احساس صعب بلا شك !
ثالثا : كتير جدا اتكلموا و قالوا أن عدد الأولاد قل جدا عن عدد البنات وده ادى طبعا لقلة العرسان .
بس في جميع الاحوال ربنا بيبقي مرتب كل شيء و عارف مين اللي هيتجوز و مين لا
وعارف برضوا الحياة اللي تناسب كل انسان فمفيش داعي للقلق .
كله معمول حسابه عند ربنا و اكيد نصيبها هيجي فالوقت المناسب محدش عارف مش يمكن واحده تتجوز و جوازها يبقي غير سعيد او لا تنجب اطفال و الناس متسبهاش في حالها .
منعرفش !
أما حكاية الحالة النفسية فكل حزن وكل ضيق و كل مشكلة بتتحل لما نقرب من ربنا فالواحد يعيش جوه الكنيسة و مع ربنا و هيلاقى نفسه نسي هم الدنيا و اللي فيها تلقائيا .
مش عارفة بقي يا فادي رأى صح ولا لا ؟
و اسفة بجد اني طولت عليك ربنا معاك و يحميك

انجي باشا شكرا علي المجاملة الاولانية بخصوص الاسلوب
ثانيا يا ستي برضة موصلتيش للحل اللي أنا عايزة او أنا مقدرتش اوضح اكتر بصي ياستي
انا قصدي يعني دلوقتي هما حالتهم متدمرة بسبب الموضوع دة و عمالين يفكرو فيه طول الوقت و شاغلهم و عاملهم مشاكل نفسية كتير و هما بيروحو قداسات و بيعترفوا وكل حاجة
بس القلق لسة موجود و بكثرة يبقي ايه الحل ؟ اهديهم ازاي أنا من الناحية دي ؟
تهديهم ازاي ؟ تهديهم ازاي ؟
طب حاول تعرفهم اني في اكبر منهم لسه متجوزين وانا حقيقي اعرف واحدة اتجوزت و هي عندها 29 سنه و سويه قول 30 يعني و ان لكل واحده نصيبها مش قولت لك خد راى حد بيفهم هه

فكرة برضة ربما يقتنعو بكدة مش عارف ربنا يستر بقي معلش بقي تعبتك ثانكس كتير لتفاعلك مع الموضوع يا انجي